Noche Buena

An noche buena igdi sa Filipinas iyo an pamanggihan na sa matanga' ginigibo bago maglaog na gayo an oras asin aldaw nin kapaskohan (Desyembre 25). Ini pig'aratubangan nin pamilya asin parati nangyayari pakatapos pakasimba kan inaapod na Misa de Gallo (Misa nin Manok, ta bago magturaok an manok sa pagkaaga) o Misa de Aguinaldo (Regalong Misa).^[1] An pwesto sa lamesa parati espesyal asin bakong sa ordinaryong pagkakan sa aro-aldaw, arog kan lechon, pancit, relyenong bangus, fried chicken, jamon, queso de bola, lumpya, pato tim, adobo, steamed fish, relleno, maluto (fried rice), cordon blue, o imbutido.^[2]

Mga hamis o dessert na sinisirbe iyo an sinuman, ibos, latik, aroyo, ube halaya, bibingka, membrilyo, fruit salad, fruit cake, ice cream, tsokolate, mga manlaen-laen na prutas.

Mga inomon arog kan red wine, kape, soda, fruit juices, asin iba pa ililatag man sa lamesa.

Ini an okasyon nin pag'urugma kan pamilya, pagpalipotok kan mga relasyon sa manaro'saro' asin paghirirasan kan mga sadiring eksperensya. Iyo man ini an okasyon na burukasan nin mga regalo sa atubangan nin belen sa akto nin pag'apresyar sa kapwa kapamilya. Asin ini man an pagselebrar kan mga Kristyanong Filipino sa pagromdom kan pagkamundag nin Hesukristo.

An 'noche buena man naootro sa bisperas nin bagong taon, na siring man, pakasimba nin matangang misa (Misa de Aguinaldo), natiripon an pamilya sa pamanggihan nin matanga sa paghalat kan pag'abot kan bagong taon. Parati uso an mga paputok na grabe pagtungod kan matanga na gayo sa pagsabat kan bagong taon..

1. ↑ Noche buena.[1]. Kinua 2023-12-31.
2. ↑ noches buenas sa Filipinas.[2]Kinua 2023-12-31.